Дом култури Руски Керестур розписує Конкурс за нови тексти за нови шпиванки у забавним духу.

Конкурс отворени по 31. децембер 2022. року.

1. Право на конкурс маю шицки заинтересовани особи зоз жеми и иножемства. Єдна особа може буц автор лєбо коавтор найвецей двох текстох.
2. Тексти котри ше посилаю на конкурс шму буц предходно обявйовани у писаней форми (кнїжка, Литературне слово, Шветлосц…), алє нє шме на нїх постояц уж компонована шпиванка.
3. Тексти треба же би були придати у паперовей форми з кирилку, лєбо електронски у вордовим документу.
4. Приява на конкурс ше посила по пошти, або особнє на адресу:

Дом култури Руски Керестур,
Русинска 75, 25233 Руски Керестур,
За Фестивал рускей култури Червена ружа.
Лєбо на мейл: dk.kerestur@gmail.com

• З посиланьом прияви на конкурс, подношитель (композитор и текстописатель) дава согласносц же би ше вибрани шпиванки виводзели явно на Фестивалу, преношели и емитовали на програмох Радио Нового Саду и Радио Телевизиї Войводини зоз шицкима познатима модалитетами емитованя, зазначели, умножели и положели до обтоку без огляду на способ умножованя и кладзеня до обтоку, зняли на ношачи звука, односно слики и звука, умножели и положели до обтоку без огранїченя у поглядзе числа прикладїнкох. Согласносц ше дава за доручени шпиванки и шпиванки вименєни и преробени з аранжманами за потреби Фестивалу и Дома култури Руски Керестур як орґанизатора, а без огляду на форму у хторей су зазначени (нотни запис, знїмок, итд). Права ше преноши виключно предметно, часово и просторно и по чишлє без огранїченя. Фестивал и орґанизатор Дом култури Руски Керестур маю право наведзни права пренєсц на треци особи, без потребней согласносци коавторох.

Конкурси за музику и цалосну композицию буду окреме розписани.