З нагоди наиходзацих крачунских шветох, Женска шпивацка ґрупа и Мишани хор Дома култури Руски Керестур у Катедралней церкви св. оца Миколая, всоботу, 20. децембра одшпивали Коляди хтори зняла Руска редакция РТВ.

И Женска шпивацка ґрупа и Мишани хор виведли по пейц Коляди, хтори вишпивали на штири гласи, а реализаторе того музичного проєкту були Еуфемия Планкош, Ирина Олеяр и Александар Планкош.

Коляди зняти зоз цильом же би ше збогацело и ошвижело шветочну телевизийну програму за Крачун по обидвох календарох, як и же би ше тирвацо зазначело єдинствени хорски шпив Колядох.

Авторка: Андреа Медєши