ЗА НОВИ РУСКИ ДЗЕЦИНСКИ ШПИВАНКИ

1. На конкурс мож послац авторски, по тераз нє виводзени, шпиванки за дзеци зоз текстом на руским язику. У случаю хаснованя нєавторского тексту, нужне мац дошлєбодзенє автора.

2. Право участвованя на Конкурсу маю шицки заинтересовани зоз жеми и иножемства.

3. Орґанизатор Фестивала обезпечи пенєжни награди композитором за завжати перши три места и єдну награду за найлєпши текст.

4. Оценьованє и вибор шпиванкох котри буду виведзени на Фестивалу окончи фахова комисия хтору менує Орґанизатор.

5. Композициї треба же би були записани нотално, лєбо на ношачу звука, а треба приложиц и окреме видруковани текст.

6. Дом култури у Руским Керестуре затримує право видац виведзени шпиванки на тогорочним «Червеним пупчу» у авдио и видео формату.

7. Роботи посилац найпознєйше по 30. април 2022. року на адресу: Дом култури (з назначеньом: за конкурс), 25233 Руски Керестур, лєбо на мейл: dk.kerestur@gmail.com

ЗА НОВИ РУСКИ ЗАБАВНИ ШПИВАНКИ

(поп, рок, денс, блуз, реґе, реп и други стили котри нє спадаю до ткв. народней музики)

1. Текст муши буц на руским язику, а интерпретатор може буц сам автор, лєбо особа хтору вон анґажує; музичне провадзенє як описане у точки 1;

2. За авторох тексту, музики и аранжману, як и самого интерпретатора нєт старосна гранїца.

3. У случаю хаснованя нєавторского тексту, нужне мац дошлєбодзенє автора.

4. Тирванє композициї огранїчене на максимално 4 минути.

5. Роботи посилац найпознєйше по 30. април 2022. року на адресу: Дом култури (з назначеньом: за конкурс), 25233 Руски Керестур, лєбо на мейл: dk.kerestur@gmail.com

**********************************************************

ЗМАГАНЄ ЗА НАЙКРАСШИ ДЗИВОЦКИ И ЛЕҐИНЬСКИ ГЛАС

1. Шпива ше єдну ЗАБАВНУ шпиванку на руским язику (поп, рок, денс, блуз, реґе, реп и други стили котри нє спадаю до ткв. народней музики), зоз особним провадзеньом на єдним инструменту, зоз провадзеньом своєй ґрупи (бенду), лєбо зоз провадзеньом Фестивалского оркестру;

2. Право участвованя маю шицки млади возросту од 15 по 30 роки.

Прияви послац найпознєйше по 30. април 2022. року, на шлїдуюци адреси:

Дом култури, Русинска 75, 25233 Руски Керестур

тел. 025/703-357; е-маил: dk.kerestur@gmail.com