Руски Керестур найвекше руснацке место у Сербиї. Настал штредком 18. Вику а нєшка чишлї коло 5000 жительох. Орґанизовани културни живот у Руским Керестуре почал ше розвивац од 1872. року (кед основана Народна библиотека), а Дом култури хтори облапя 500 активних членох у велїх секцийох (фолклорна, хорска, музична, рецитаторска, ликовна, литерарна) як єдна професийна институция у култури Руснацох у Сербиї (попри народного театру "Петро Ризнич Дядя"), центер културного живота нє лєм Руского Керестура, алє и шицких Руснацох у Републики Сербиї.
Ту ше каждого року отримує Драмски мемориял "Петра Ризнича Дядї" (марец - април) - смотра театрох, Фестивал култури "Червена ружа" ( юн - юл ) и Културна манифестация "Костельникова єшень" (новембар).
Уметнїцки ансамбл у своїм репертоару розвива у першим шоре русинску културу, алє го нєпреривно обогацує зоз писнями, танцами других националних заєднїцох у Републики Сербиї. Зоз таким репертоаром госцовал у велїх жемох Европи и шицких републикох бувшей Югославиї.
За свою потерашню роботу у обласци култури Дом култури наградзени, медзи иншим, зоз Орденом заслуги за народ, Вукову награду КПЗ Сербиї, Искру култури КПЗ Войводини, Награду ошлєбодзеня Войводини, Октоберску награду Општини Кула, Зарями култури КПЗ Кула и велїма другима наградами.
Дом култури ма штирох стаємно запошлєних роботнїкох: директора, двох музичних сотруднїкох и домара.
Ту ше каждого року отримує Драмски мемориял "Петра Ризнича Дядї" (марец - април) - смотра театрох, Фестивал култури "Червена ружа" ( юн - юл ) и Културна манифестация "Костельникова єшень" (новембар).
Уметнїцки ансамбл у своїм репертоару розвива у першим шоре русинску културу, алє го нєпреривно обогацує зоз писнями, танцами других националних заєднїцох у Републики Сербиї. Зоз таким репертоаром госцовал у велїх жемох Европи и шицких републикох бувшей Югославиї.
За свою потерашню роботу у обласци култури Дом култури наградзени, медзи иншим, зоз Орденом заслуги за народ, Вукову награду КПЗ Сербиї, Искру култури КПЗ Войводини, Награду ошлєбодзеня Войводини, Октоберску награду Општини Кула, Зарями култури КПЗ Кула и велїма другима наградами.
Дом култури ма штирох стаємно запошлєних роботнїкох: директора, двох музичних сотруднїкох и домара.