На соботу, 30. априла з початком на 17 годзин, у Липару будзе отримана 61. Општинска смотра дзецинскей музично-фолклорней творчосци на хторей буду участвовац фолклорни ансамбли з местох кулскей општини у младшим и старшим возросту.

Дом култури Руски Керестур на Смотри наступа з трома хореоґрафиями младшей и старшей танєчней ґрупи, у хторих дзеци од першей по осму класу ОШ.

Младша танєчна ґрупа наступи зоз хореоґрафию „Варешкови танєцˮ, а старша ґрупа зоз хореоґрафию „Закарпатски мотивиˮ и „Дзивоцка венчикˮ – шицким тром уметнїцки руководитель Андрея Штефанко.

Селектор смотри будзе Любомир Вуйчин Миле, а орґанизаторе Културно-просвитна заєднїца општини Кула, КУД „Липарˮ и ОШ „Никола Теслаˮ зоз Липару.

Главни покровитель манифестациї Општина Кула.