Драмски мемориял Петра Ризнича Дядї
Драмски мемориял Петра Ризнича Дядї отримує ше у Руским Керестуре од 1969. року и представя рочну смотру театралних досцигнуцох Руснацох у Войводини. Окрем театралних представох за старших, виводза ше и представи за дзеци, а вец по традициї, каждого року госцує и єдна представа зоз смотри театрох кулскей општини, єден професийни театер, як и 1-2 театри зоз иножемства.
Мемориял ше отримує каждого року у априлу, а на репертоару просеково будзе 8-10 представи за одроснутих и 4-6 за дзеци.
У рамикох того фестивалу каждого року ше отримує и вистава ликовних роботох.
Драмски мемориял чува памятку на Петра Ризнича Дядю, єдного од найзначнєйших педаґоґох и театралних ентузиястох, хтори штредком ХХ вику охабел шлїд у театралним аматеризму Руснацох на тих просторох и подзвигнул го на висши уровень.
Фестивал русинскей култури "Червена ружа"
Фестивал русинскей култури "Червена ружа" найстарша, найвекша и найзначнєйша културна манифестация Руснацох у Сербиї. Фетивал настал 1962. року, а музично-фолклорного є характеру. Представя роботу Руснацох у Сербиї, як и представнїкох других народох зоз жеми и иножемства, найвецей зоз европских жемох дзе жию Руснаци. Реализує ше раз рочнє, у Руским Керестуре, у тирваню од 3-4 днї, концом юна и початком юла. Каждого року на фестивалу участвує просеково коло 1.200 виводзачох рижних програмох (од дзецинских до святочних) на котрих ше презентує традиционални и нови музично фолклорни точки.
У рамикох фестивала отримую ше шлїдуюци манифестациї:
Вистави - ликовни, фотодокументарни, Завичайни музей, и саям привреди
"Червене пупче" – музично-фолклорна манифестация за дзеци
"Червена ружа" – змаганє шпивачох-аматерох за найкрасши глас и змаганє нових композицийох
Естрадни концерти – наступи популарних естрадних шпивачох и музичарох
"На штред широкей ровнїни" – святочни концерт найквалитетнєйших музично-фолклорних ансамблох и госцуюцих ансамблох зоз жеми и иножемства
Провадзаци манифестациї – спортски и туристични програм.
Културна манифестация "Костельникова єшень"
Културна манифестация "Костельникова єшень" перши раз орґанизована 1994. року. Отримує ше каждого року у новембру, у тирваню од 8-10 днї, а пошвецена є великанови писменосци и кнїжовносци др Гавриїлу Костельникови (1886. Руски Керестур – 1948. Лавов, Україна), хтори бул писатель, филозоф и значна особа словенского швета першей половки 20. вику.
"Костельникова єшень" ошвицує Костельникову роботу и унаприямує ше пестованю висококвалитетних кнїжовних, ликовних и програмох класичней музики.
Централна манифестация ше отримує у Руским Керестуре, а даєдни програми и стретнуца зоз шорох рускей националней меншини зоз учашнїками орґанизую ше и у других местох Войводини, у школох у хторих ше виучує руски язик. Концерт класичней музики отримує ше каждого другого року у Новим Саду.
Драмски мемориял Петра Ризнича Дядї отримує ше у Руским Керестуре од 1969. року и представя рочну смотру театралних досцигнуцох Руснацох у Войводини. Окрем театралних представох за старших, виводза ше и представи за дзеци, а вец по традициї, каждого року госцує и єдна представа зоз смотри театрох кулскей општини, єден професийни театер, як и 1-2 театри зоз иножемства.
Мемориял ше отримує каждого року у априлу, а на репертоару просеково будзе 8-10 представи за одроснутих и 4-6 за дзеци.
У рамикох того фестивалу каждого року ше отримує и вистава ликовних роботох.
Драмски мемориял чува памятку на Петра Ризнича Дядю, єдного од найзначнєйших педаґоґох и театралних ентузиястох, хтори штредком ХХ вику охабел шлїд у театралним аматеризму Руснацох на тих просторох и подзвигнул го на висши уровень.
Фестивал русинскей култури "Червена ружа"
Фестивал русинскей култури "Червена ружа" найстарша, найвекша и найзначнєйша културна манифестация Руснацох у Сербиї. Фетивал настал 1962. року, а музично-фолклорного є характеру. Представя роботу Руснацох у Сербиї, як и представнїкох других народох зоз жеми и иножемства, найвецей зоз европских жемох дзе жию Руснаци. Реализує ше раз рочнє, у Руским Керестуре, у тирваню од 3-4 днї, концом юна и початком юла. Каждого року на фестивалу участвує просеково коло 1.200 виводзачох рижних програмох (од дзецинских до святочних) на котрих ше презентує традиционални и нови музично фолклорни точки.
У рамикох фестивала отримую ше шлїдуюци манифестациї:
Вистави - ликовни, фотодокументарни, Завичайни музей, и саям привреди
"Червене пупче" – музично-фолклорна манифестация за дзеци
"Червена ружа" – змаганє шпивачох-аматерох за найкрасши глас и змаганє нових композицийох
Естрадни концерти – наступи популарних естрадних шпивачох и музичарох
"На штред широкей ровнїни" – святочни концерт найквалитетнєйших музично-фолклорних ансамблох и госцуюцих ансамблох зоз жеми и иножемства
Провадзаци манифестациї – спортски и туристични програм.
Културна манифестация "Костельникова єшень"
Културна манифестация "Костельникова єшень" перши раз орґанизована 1994. року. Отримує ше каждого року у новембру, у тирваню од 8-10 днї, а пошвецена є великанови писменосци и кнїжовносци др Гавриїлу Костельникови (1886. Руски Керестур – 1948. Лавов, Україна), хтори бул писатель, филозоф и значна особа словенского швета першей половки 20. вику.
"Костельникова єшень" ошвицує Костельникову роботу и унаприямує ше пестованю висококвалитетних кнїжовних, ликовних и програмох класичней музики.
Централна манифестация ше отримує у Руским Керестуре, а даєдни програми и стретнуца зоз шорох рускей националней меншини зоз учашнїками орґанизую ше и у других местох Войводини, у школох у хторих ше виучує руски язик. Концерт класичней музики отримує ше каждого другого року у Новим Саду.