![](https://domkultureruskikrstur.com/wp-content/uploads/2021/09/upis_280921.jpg)
Упис до фолклорней секциї
28. септембер 2021.![](https://domkultureruskikrstur.com/wp-content/uploads/2021/10/sednica_281021.jpg)
На схадзки подробнєйше о концепциї „Костельниковей єшенї”
28. октобер 2021.У рамикох Дзецинского тижня, вчера, школяре од 1. по 4. класу Основней школи Петро Кузмяк, вєдно зоз своїма учительками, нащивели Дом култури у Руским Керестуре, же би ше лєпше упознали зоз роботу тей установи, як и зоз шицкима секциями хтори вон понука.
Роботу Дома култури и його секциї школяром на интересантни способ приблїжел Сашо Палєнкаш, хтори на тот завод дзецом представел просториї того обєкту, односно театралну салу у хторей ше отримую проби за представи, фолклорну салу, Червену салу, гол у хторим ше викладаю малюнки и фотоґрафиї, потим инструменти Велького народного оркестра, а направел и симулацию представи у Велькей сали Дома култури.
Розгварка була интерактивна понеже и школяре поставяли цикави питаня, а велї з нїх такой указали и дзеку же би ше уписали на даєдну од представених секцийох.